अभिकर्ता केन्द्रिय संघर्ष समितिद्वारा नेपाल लाइफमा नयाँ पोलिसी बिक्री बन्द

काठमाण्डौ । नेपाल लाइफ इन्स्योरेन्स कम्पनी लिमिटेडका अभिकर्ताहरुको संगठन‘ अभिकर्ता केन्द्रिय संघर्ष समिति नेपाल लाइफ’ले नेपाल लाइफको नयाँ बीमा पोलिसी बिक्री बन्द गरेका छन् ।  संघर्ष समितिले नेपाल लाइफको अभिकर्ताहरुको जायज माग सम्बोधन नगरी बेवास्ता गरेका कारण कम्पनीको नयाँ बीमा पोलिसी बिक्री बन्द गरिएको अंघर्ष समितिले जनाएको छ । 

यसअघि समितिले माग पुरा नभएमा पुस १७ गतेदेखि नयाँ बीमालेख बन्द गरी कम्पनीले आयोजना गर्ने सम्पूर्ण कार्यक्रम बहिष्कार गर्ने चेतावनि दिएको थियो ।  

संघर्ष समितिले कम्पनीले बीमित र अभिकर्तामाथि पटकपटक ज्यादती गरेको र कम्पनीमा मेरुदण्ड मानिएका अभिकर्ताहरुको रोजीरोटीमाथि आघात पुर्याउने हिसाबले जिरो कोड तालिम सञ्चालन गरेको आरोप लगाएको छ । यस्तै अभिकर्ताले आउँदै आएको सेवासुविधालाइए एकलौटी ढंगले भंग गरी मनोमानी तरिकाले आफुखुसी लादिएको आरोप लगाइएको छ । यस विषयमा कार्यबाहक सीईओ सुशिल कुमार चौथरीले छलफल वा वार्ता गराउँछु र यसो गर्न नसकेमा स्वयम कम्पनीको सिस्टम बन्द गरी नयाँ बीमालेख रोक्छु भनी गरेको प्रतिवद्धता पुरा नगरेको संघर्ष समितिले जनाएको छ । यस्तै गत पुस १० गते व्यवस्थापन र सञ्चालकलाई नबोलाइकनै होटल मेची क्राउन धुलाबारी झापामा वार्ताका लागि बोलाई आफुहरुको उपहास गरेको समितिले जनाएको छ । 

सीईओको यो व्यवहारको घोर भत्र्सना गर्दै गत पुस १० गते नै बसेको अभिकर्ताको भेलाले पुस १६ गतेभित्र आफ्ना माग पुरा नभएमा कनै पनि बीमा पोलिसी बिक्री नगर्ने निर्णय गरेको थियो।