नेपाल इन्फ्रास्ट्रकचर बैंकको आईपीओ निष्कासन भोलिदेखि

काठमाण्डौ । नेपाल इन्फ्रास्ट्रकचर बैंक लिमिटेडको आईपीओ निष्कासन भोलि(माघ २ गते)देखि हुने भएको छ । बैंकले अहिले सम्मकै सबैभन्दा ठूलो आईपीओ निष्कासनका लागि नेपाल धितोपत्र बोर्ड(सेबोनबाट)गत पुस १० गते आईपीओ निष्कासनको अनुमति पाएको थियो । बैंकले ८ अर्ब रुपैयाँ बराबरको ८ करोड कित्ता आईपीओ निष्कासनको अनुमति पाएको हो। 

बैंकको अहिलेको चुक्तापूँजी १२ अर्ब रुपैयाँ रहेकोमा आईपीओ निष्कासन पश्चात यो २० अर्ब रुपैयाँ पुग्नेछ। नेपाल धितोपत्र बोर्डले सर्वसाधारण निष्कासनका अनुमति दिएको यो अहिले सम्मकै सबैभन्दा ठूलो आईपीओ हो। 

बैंकको आईपीओ निष्कासन तथा बिक्री प्रबन्धकको रुपमा एनआईबीएल एस क्यापिटल लिमिटेड रहेको छ।