लक्ष्मी उन्नती कोषको २५% नगद लाभांस सुरक्षित गर्ने आज अन्तिम दिन

काठमाण्डौ । लक्ष्मी उन्नती कोषको लाभांस सुरक्षित गर्ने आज(साउन १२ गते) अन्तिम दिन रहेको छ । कोषद्वारा आर्थिक वर्ष २०७७/७८ का लागि प्रस्तावित २५ प्रतिशत नगद लाभांस सुरक्षित गर्ने आज अन्तिम दिन रहेको हो । 

लाभांस वितरणका लागि भोलि(साउन १३ गते) एक दिनका लागि बुक क्लोज गर्ने निर्णय गरेकाले आजसम्म कायम इकाईधनीहरु मात्रै कोषद्वारा प्रस्तावित लाभांस प्राप्त गर्न योग्य हुनेछन् । 

लक्ष्मी क्यापिटलद्वारा व्यवस्थित तथा लक्ष्मी बैंकद्वारा प्रवद्र्धित लक्ष्मी उन्नती कोष बन्दमुखी योजना हो । 

कोषको गत साउन ५ गते बसेको सञ्चालक समितिको बैठकले आर्थिक वर्ष २०७७/७८ का लागि २५ प्रतिशत नगद लाभांसको घोषणा गरेको थियो । कोषद्वारा घोष्णा गरिएको यो पहिलो लाभांस हो ।