सनराइन फर्स्ट म्युचुअल फन्डको ५०% नगद लाभांस इकाइधनीहरुको बैंक खातामा जम्मा

काठमाण्डौ । सनराइन फर्स्ट म्युचुअल फन्डका लागि घोषणा गरिएको नगद लाभांस इकाइधनीहरुको बैंक खातामा जम्मा गरिएको छ । 

सनराइज बैंक कोष प्रवद्र्धक र सनराइज क्यापिटल योजना व्यवस्थापक तथा डिपोविटरी रहेको सनराइज म्युचुअल फन्डअन्तर्गत सञ्चालित सनराइज फर्स्टले आर्थिक वर्ष २०७७/७८ का लागि घोषणा गरेको ५० प्रतिशत नगद लाभांस इकाइधनीहरुको बैंक खातामा जम्मा गरिएको हो । 

फन्डले उक्त लाभांस आफ्नो हितग्राही खातामा आफ्नो बैंक खाता नम्बर अद्यावधिक गराएका इकाइधनीहरुको बैंक खातामा भदौ २२ गतेदेखि जम्मा गरिने जनाएको छ । 

हालसम्म हितग्राही खातामा बैंक खाता अद्यावधिक नगराएका इकाइधनीहरुलाई बैंक खाता अद्यावधिक गराउन आग्रह गरिएको छ ।